Shkolla e MagjistraturësShkolla e Magjistraturës, zhvilloi në datën 27 Prill 2026 aktivitetin trajnues me Temë: “Likuidimi i shoqërive tregtare në gjendje të aftësisë paguese. Paaftësia paguese si shkak për likuidimin sipas rregullave të Ligjit “Për falimentimin”, pranë ambienteve të Shkollës së Magjistraturës, në Tiranë.
Ky aktivitet u drejtua nga:
Ekspertë: Vangjel Kosta dhe Artan Hajdari
Lehtësuese: Antonela Prendi
Qëllimi i këtij trajnimi është: të thellojë kuptimin e dallimeve thelbësore ndërmjet likuidimit vullnetar dhe procedurave të falimentimit, duke i pajisur pjesëmarrësit me njohuri të konsoliduara mbi kushtet, procedurat dhe pasojat juridike të secilës situatë. Trajnimi synon të rrisë aftësinë e magjistratëve për të identifikuar saktë gjendjen financiare të shoqërisë, për të zbatuar drejt kuadrin ligjor përkatës dhe për të garantuar mbrojtjen e të drejtave të kreditorëve dhe palëve të tjera të interesuara, duke kontribuar në një praktikë gjyqësore të qëndrueshme dhe efikase.
Trajnimi u realizua duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve.
Gjatë këtij aktiviteti trajnues u trajtuan tema të ndryshme, si:
- Procedura e falimentimit- zgjidhje kolektive e marrëdhënieve të borxhit;
- Paaftësia paguese i vetmi shkak për fillimin e procedurës së falimentimit;
- Roli administrativ dhe roli klasik gjyqësor i Gjykatës së Falimentimit;
- Juridiksioni gjyqësor në gjykimin e procedurave të falimentimit;
- Natyra e posaçme e procedurës së gjykimit të çështjeve që lidhen me falimentimin;
- Rregullat e veçanta të njoftimeve në procedurën e falimentimit;
- Roli i administratorit të falimentimit në veprimet e gjykatës ( delegimi);
- Shkaqet e prishjes së shoqërive tregtare dhe pasojat ligjore;
- Likuidimi i zakonshëm dhe i thjeshtuar i shoqërive tregtare. Dallimet mes dy formave te likuidimit të shoqërive tregtare;
- Likuidimi në rrugë gjyqësore dhe jashtëgjyqësore;
- Legjitimimi aktiv dhe pasiv në padinë e prishjes së shoqërisë dhe aspekte te tjera procedurale në lidhje me këtë gjykim;
- Kompetencat dhe përgjegjësitë e likuidatorit gjatë procedurës së likuidimit;
- Pasojat ligjore të mbylljes së procesit të likuidimit;
- Mundësia e prishjes së vendimit të prishjes së shoqërisë dhe hapjes së likuidimit.
Në këtë aktivitet trajnues morën pjesë gjyqtarë dhe përmbarues gjyqësorë të Republikës së Shqipërisë.
